المساعد الشخصي الرقمي

عرض الإصدار الكامل : طبخات تركي

تركي المريخي
06-11-2008, 09:32 AM
بما ان بنات حواء في المنتدى هنا كسولات ..اخوكم الشيف تركي قرر انه يقدم لكم طبخات

ولا احلى

بس خلوكم مركزين معاي لانها شوي يبيلها تركيز ..نبغى الموضوع جد مانبغى لعب لاني قررت اعطيكم حصص اسبوعيه ببلاش

جيبو معاكم ورقه وقلم..

اول طبخه..بابا غنوج

كيلو باذنجان
ثوم حسب رغبتك
شوية ملح
حزمه بقدونس

الطريقة
ـ حط الباذنجان على الشوايه وانتبه ..
ـ اقلب الباذنجان مره على ضهره ومره على بطنه واستنى الين يبرد وبعدين قشره..
ـ وبعدين اهرسه مع الثوم. .
.وبعديين حط فوقه بقدونس وزيت زيتون.
وبكذى جاهز للتقديم...

.................................................. ........................................

هذي طبخه ثانيه...

دجاجه

ثوم

بصل


فلفل


بهارات


ملح

ليمون


الطريقه

اخلطو هذي المقادير كلها مع بعض وجيبو كيس حطو الدجاجه بهذا الكيس وصبو عليها المقادير

وبعدين خلوها في الثلاجه مدة يوم كامل وبعدين طلعوها وحطوها على الشوايه واشوها

وشوفو كيف تطلعلكم بعدين زبده..ـ


.................................................. ........

اما الان راح اعلمكم كيف تسون الرز الصيني..

المقادير..


رز

جزر

فاصويا


مجموعه خضروات حسب الرغبه يعني..


الطريقه..

اسلقو الخضروات مع بعض..

اطبخو الرز..

وبعدين سو طبقات

مره خضره

ومره رز

مره خضره

ومره رز وهاكذا

وبالهنا والعافيه.........


ترقبو طبخات الشيف تركي الاسبوعيه..
الفجر البعيد
06-11-2008, 11:20 AM
تسلم الايادي شيف تركي


الله يعطيك العافيه
صفي الروح
06-12-2008, 07:19 PM
والله من العزوبيه
فديت راسك
باقي لو تعرف تزبط مغش
ياااااااسلام كذا
Abu Malik
06-12-2008, 08:12 PM
أحلا شيف


الطبخ مايصلح الا أيام الإختبارات:)


منتظرين أحلا مضغوط هههههه


سلام
همس الحروف
06-17-2008, 10:10 PM
يعطيك العافية تسلم الأيادي
تركي المريخي
06-19-2008, 02:24 AM
هلا وغلا فيكم جميعا واشكر مروركم...اما المغش يا صفي الروح بخليه عليك ومنك نستفيد.0.


ابو مالك..احلى مضغوط لعيونك اصبر علي بس..
تركي المريخي
06-19-2008, 03:03 AM
احلى مضغوط لعيون ابو مالك و للامانه الطريقه مسروقه

لحم او دجاج
بصلة
طماطم
صلصة
ملح و فلفل أسود
زيت
بهارات ( هيل - قرفة - - الغار )
كوبين رز مغسول


الطريقة :

جيب اول شي يا ابو مالك قدر ضغط..

حط فيه الزيت وحمر البصل وفوقه الطماط والصلصه والبهارات يعني سو (كشنه)

حط اللحم او الدجاجه حقتك فوقهم وفوقهم مويه وسكر القدر


افتح القدر وشيل السفيره حقت القدر عشان البخار يطلع حط فوقهم ملح ورز وسكر مره ثانيه القدر لمى يستوي ... وبالهنا س لانتسى اعزمنا.........



[COLOR="Red"] COLOR]
همس الحروف
07-19-2008, 09:59 AM
المغش

جيب لحم واسلقه على النار

وبعدين حطه في المغش حط عليه البهارات والبصل والملح واذا تبغى معاه باميه وبطاطس وحط مويه وبعدين غطي عليه بقصدير وحطه بالفرن يطلع كانك جايبه من الموافيه وممكن تخليه على الغاز وتخليه على نار هادئة بيعطيك نفس النتيجة
صقر الشمال
07-19-2008, 10:32 AM
(( أكيد النتيجه بتكون فتاكه ياهمس الحروف ))


شوقتينا كثير لهذه الوجبه الشعبيه المشهوره واللذيذه



يسلمووووووووووووووووووووووا
تركي المريخي
07-20-2008, 04:38 AM
مشكوره ياهمس شهيتينا نذوق خصوص اني من عشاق الباميه..

بس وين طبق الحلو لازم يكون هناك في طبق حلو...من يدك...ننتضرك