طريقة تنظيف البشره الي يسونها في الصالونات ومراكز التجميل

[ام ارجوان]

السلام عليكم و رحمة الله و بركاته

كيفكم يا حلواااااااااااات


جبت لكم الطريقة الصحيحة لتنظيف البشرة .. اخذتها من وحدة فلبينية تشتغل بصالون

تنظيف من وقت للثاني

و خاصة اللي يستخدمون ميك اب كثير

و البعض منا ما يتوفر له الوقت او القدرة للذهاب الى الصالونات او مراكز التجميل

عشان كذا اختكم ام ارجوان قررت تساعدكم و تسهلها عليكم

طبعا اكيد الطريقة بتختلف من صالون لثاني

سواء يكون اكثر او اقل خطوات

المهم هاذي الطريقة بتعجبكم و اذا سويتوها اسبوعيا .. بتشوفون بشرة حلووة

أولا : لازم تتوفر عندك الكريمات التالية :

-كريم للتنظيف العميق
-مقشر ..
-ماسك (قناع) ..
-كريم مرطب ..

اي نوع يناسب بشرتك طبعا .. هناك اكثر من شركة ممتازة ..

عندك مثلا شركة نيتروجينا
و شركة نيفيا

و شركة كلين اند كلير من جونسون

و شركة ستيفيز .. وهي المفضلة عندي

طبعا بالنسبة للي .. استخدم العناصر التالية :

1-كريم التنظيف العميق من كلين اند كلير
2-مقشر من ستيفز
3-قناع من ستيفز
4-كريم الترطيب من ستيفز ايضا .. انا استخدم بالكولاجين مررة روعه
5-طبعا الكريمات اللي انا استخدمها تنفع لجميع انواع البشرة .. و هذا اللي يميزها

ثانيا : وفري العناصر التالية

* ابرة التنظيف الخاصة للبشرة
تلقينها في البودي شوب .. او بأي محل تجميل
للمعلومية في منها انواع كثيرة
جهاز بخار للوجه .. اذا ما عندك لا تزعلين .. لان في طريقة القدر

فوطة

*
* ربطه تلمين فيها شعرك

* اسفنجة

حطي زبدية صغيرة فيها موية دافية .. و حطي الاسفنجة داخلها
بتفيدك عشان ما تضطرين تروحين كل شوي دورة المياة و تغسلين وجهك

* كاس حطي فيه قطع ثلج

قبل نبدأ : :

1- اول شي .. قومي بتشغيل جهاز البخار عشان يكون جاهز وقت الاستخدام .

2- ارفعي شعرك بربطة او طوق او اي شي .. عشان ما تحوسين الدنيا

3- خلي كل شي جنبك عشان ما تضطرين تروحين و تجين
و اذا ما كان عندك جهاز البخار .. انقلي الاغراض بالمطبخ .. لانك بتحتاجين الفرن

4- يفضل تقفلين المكيف الين تخلصين


بسم الله .. نبدأ بالطريقة :

* بللي وجهك بالماء ( عن طريق الاسفنجة و الموية الدافية)

* ابدأي بكريم التنظيف العميق
حطيه بوجهك و الرررررررررقبة يا حرام لا تنسوها .. و قومي بتوزيعه .. بررررررفق

بنات خلوا عنكم العربجة .. الا بشرة الوجة يبيلها ضغط خفيف .. دلع يعني
و بإتجاهات معينة عشان ما تتهدل بشرة الوجه مع الزمن

يعني يا حبيبات البي .. مهم تعرفين كيف تحركين يدك بخفة و بإتجاهات صحيحة
عشان يصير تنظيف و مساج بنفس الوقت ^_^

بالنسبة للمنطقة المحيطة بالعينين .. قفلي عيونك .. و حركيها بالشكل


لاحظي اتجاه كل عين عكس الثانية ..

و دايما الفلبينية وهي تدلك وجهي .. تضغط جنب عيوني بقوة .. مو مرة مرة قوة ..
بس اقوى من التدليك العادي .. مثل هالصورة
استمري بالتدليك .. لمدة 3 الى 5 دقائق



و بعد البخار .. دلكي وجهك .. لا تنسون المقشر ما زال موجود على البشرة ما مسحناه

يعني سوينا بخار للوجه و المقشر موجود عليه

دلكي وجهك بنفس طريقة المساج الموجود بالصور و مقطع الفلاش

*****تجنبي المنطقة المقاربة للعينين *****

بعد 5 دقائق .. امسحي وجهك بالاسفنجة

* اعيدي الخطوة الاولى مرة اخرى .. اللي هي كريم التنظيف العميق .. حطي الكريم و دلكي وجهك مرة ثانية لمدة 3 الى 5 دقائق ثم امسحي وجهك مرة اخرى بالاسفنجة بس حاولي تمسحينه زين هالمرة او تغسلينه بدورة المياة بالماء بس .. اغسليه زين

خلال روحتك لدورة المياة .. فرصة انك تجددي الموية اللي فيها الاسفنجة

* هاتي ابرة تنظيف الوجه .. و اضغطي على اماكن تواجد الزيوان الوسخ

غالبا ما يكون في الدقن و الانف و الجبين .. اضغطي الابرة برفق على هالاماكن
امسحي وجهك بالاسفنجة

* هذه الخطوة اختياريه .. وهي انك تحطي خلطة لتغذية و نضارة البشرة اذا كان عندك خلطة تحبي تستخدميها .. البطاطس المخلوط بالخلاط حلوو للهالات السودة تحت العين
خليه بالوجه 10 دقايق او اكثر اذا انتي رايقة ^_^

* حطي الماسك على الوجه : يا أما ماسك طبيعي .. اي ماسك يناسب وجهك


و خليه من 10 الى 20 دقيقة .. ثم اغسليه

او ماسك جاهز

المهم حطي الماسك .. ووزعيه على وجهك .. ما عدا المنطقة العيون و منابت الشعر و الحواجب
تقدري تحطين شريحتين خيار على عيونك

بس حطي طبقة مناسبة .. لا تكثرين مرة و لا تقللين مرة

و المهم انك ما تقللي .. لانك لو قللتي بيتقطع و يصير صعبة ازالته

* بعدين خذي الثلج و مرريها على وجهك الين تذوب
في بنوتات حلوات يحطوا موية ورد في مربعات الثلج و يحطوها بالفريزر و يستخدموها لهالمرحله
و كلكم تعرفوا موية الورد وشكثر حلوة للوجه

* حطي الكريم المرطب على الوجه

و مبروووووووووووووووووك خلصنا

بنات اللي عجبها موضوعي تدعي لي بالتوفيق
مو لازم ترد على الموضوع .. بس تدعي لي بقلبها

[ام ارجوان]

علا فكرة في الموضوع صور وفلاشات لطريقة المساج ما عرفت كيف انزلها

[الشــــامخه]

تسلمين اختي ام ارجوان على المجهود الرائع

واذا تبغين تنزلين الصور :

(اول شى طبعا احفظي الصوره بجهازك)

1- روحي مركز تحميل مثل طب طب او ليل

2-حطي استعراض وتطلعك كل الصور الي في جهازك حددي الصوره المطلوبه وحطي موافق

3- بعدين حطي تحميل الصوره... وروحي لموضوعك واضغطي زر الفاره الايمن وحطي لصق .

ارجو اني افدتك