رائـــعة حـامد زيـد>>أمــي<<

[الوقار]

قصيدتـي زاد بعيونـي جمالـهـا
واخذت أنقـي بالمعانـي جزالهـا
واكتب معانيها من الشوق والغـلا
لأمي وأنا اصغر شاعر ٍمن عيالهـا
كتبتها في غربتـي يـوم رحلتـي
لمـا طرالـي بالسفـر ماطرالهـا
امي وانا بوصف لهـا زود حبهـا
وان ماحكيت لها قصيـدي حكالهـا
امي لها بالقلب والجـوف منزلـه
مكانـة ماكـل محـبـوب نالـهـا
اقرب من ظلالي وانا وسط غربتي
وانا تراي اقرب لها مـن ظلالهـا
ماشافت اعيوني من الناس غيرهـا
ولا خلـق رب الخلايـق مثالـهـا
اغلا بشر في جملة النـاس كلهـم
واكرم من ايدين المزون وهمالهـا
اتبع رضاها ورتجـي زود قربهـا
واللي طلبته من حياتـي وصالهـا
الصدق مرساها والاشواق بحرهـا
والعطف واحساس الغلا راس مالها
اهيم فيهـا وابتسـم يـوم قلبهـا
يسأل وانا قلبي يجـاوب سؤالهـا
وان اطلبتني شـي فزيـت مندفـع
اموت أنا واحمـل تعبهـا بدالهـا
واصبر على الدنيا والاحزان والتعب
واحمل على متني فطاحـل جبالهـا
واسهر اعذب راحة القلب بالشقـا
واعيش اعاني بس يرتـاح بالهـا
تربية ابوي اللي على الطيب بذكرة
اللـي وهبنـي الحيـاه ومجالهـا
نور لي ادروبي وانا طفل مبتـدي
حتى تركني واحـد مـن رجالهـا
الوالدين اولـى بالاحسـان لجلهـم
وأولى بتكريـم النفـوس وعدالهـا
اقولهـا وانـا علـى الله متـكـل
والله عليـم بقدرتـي واحتمالـهـا
ياكلمة اغلـى مـن النـاس كلهـم
ياشمـس بقلبـي بعيـد زوالـهـا
يافرحة تملي لـي الكـون باكملـه
ياشجـرة تكبـر ويكبـر ظلالهـا
تضحك لي الدنيا ليا شفـت زولهـا
مثل السمـا تزهـا بطلـة هلالهـا
والبعد عنها ياهل العـرف ماقـدره
لاشـك نـاري زايـدة بشتعالهـا
ماعيش ببلاد ولاهيـب بأرضاهـا
ولابي عيوني كـان ماهـي قبالهـا
أرض ٍ تدوس امي بالاقدام رملهـا
اموت فيها واندفـن فـي رمالهـا

[صقر الشمال]

>>> الأم الأم الأم<<<

بارك الله فيك أختي الفارسه الملثمه وبارك الله في نقلك

[حامل المسك]

امي وانا بوصف لهـا زود حبهـا
وان ماحكيت لها قصيـدي حكالهـا
امي لها بالقلب والجـوف منزلـه
مكانـة ماكـل محـبـوب نالـهـا

اعرف امير من الامراء هو الذي يدفع امه العجوز بالعربة ولا يسمح لاحد ان يدفعها غيره ، واذا خرج من فمها شيء من اللعاب او من انفها شيء مسحه بيده بدون مناديل فقيل له خذ المناديل فقال انا اتشرف بتنظبف امي بيدي المجردة كما هي كانت تفعل معي ولا اجازيها .

اللهم ارزقنا بر والدينا

[الغلاكله]

ماعيش ببلاد ولاهيـب بأرضاهـا
ولابي عيوني كـان ماهـي قبالهـا
أرض ٍ تدوس امي بالاقدام رملهـا
اموت فيها واندفـن فـي رمالهـا


صح لسان كاتبها


وتسلم يمناك على نقلها


بارك الله فيك

[الوقار]

المسلاوي
بهكلي
الغلاكله
شاكره لكم مروركم

[عـازف الليـل]

صح لسان الشاعر وعلا شأنكـ أختي الفارسة

اللهم أرزقنا بر والدينا ورضاهم عنا

آمين يا رب العالمين

[الوقار]

شبيه الريح حياك الرحمن ورزقك اعالي الجنان

[الزلزال]

بارك الله فيك أختي الفارسه الملثمه


قصيدتـي زاد بعيونـي جمالـهـا
واخذت أنقـي بالمعانـي جزالهـا
واكتب معانيها من الشوق والغـلا
لأمي وأنا اصغر شاعر ٍمن عيالهـا
كتبتها في غربتـي يـوم رحلتـي
لمـا طرالـي بالسفـر ماطرالهـا
امي وانا بوصف لهـا زود حبهـا


تحياتي وتقبلي مروري